თბილისი, 24 დეკემბერი – Sputnik. გერმანიის კანცლერი ანგელა მერკელი წინასაშობაოდ სუპერმარკეტს ეწვია და კარტოფილი, კარაქი, წიწაკა და კანფეტი იყიდა, იუწყება სააგენტო „რია ნოვოსტი“ გაზეთ Bild-ზე დაყრდნობით. სავაჭროდ მერკელი პარასკევს გამართული პრესკონფერენციის დასრულებისთანავე წავიდა.
როგორც გამოცემა აღნიშნავს, წლევანდელ სადღესასწაულო სუფრაზე მერკელს არ ექნება საშობაო ინდაური, არც კობრი და არც ღვინო. ყველაფერი, რითაც კანცლერს შეუძლია ისიამოვნოს, 300 გრამამდე Mon Chéri-ის კანფეტებია. მერკელმა სუპერმარკეტში დაახლოებით 100 ევრო დახარჯა.
„არაფერი სადღესასწაულო, კანცლერ მერკელის პროდუქტების ჩვეულებრივი ჩამონათვალი“, — გამოცემა სუპერმარკეტის გამყიდველის სიტყვებს ციტირებს. პროდუქტების შეძენის შემდეგ მერკელი გასასვლელისკენ გაემართა.
აღსანიშნავია, რომ მთელი წლის განმავლობაში აღნიშნული სუპერმარკეტი გერმანიის კანცლერმა 30-ჯერ მოინახულა.
