თბილისი, 22 დეკემბერი — Sputnik. თბილისის საერთაშორისო აეროპორტში დიდი ოდენობით ნარკოტიკული საშუალებების შემოტანის მცდელობის ფაქტზე უკრაინის მოქალაქე დააკავეს, ნათქვამია შინაგან საქმეთა სამინისტროს ვებ-გვერდზე გავრცელებულ განცხადებაში.
16 დეკემბერი 2016, 13:59
სამართალდამცველებმა დაკავებულის პირადი ჩხრეკისას ბუპრენორფინის შემცველი ნარკოტიკული საშუალების 311 აბი და 2,5 გ ბუპრენორფინის შემცველი ფხვნილი ამოიღეს.
გამოძიება განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ფაქტზე მიმდინარეობს (საქართველოს სსკ-ის 262-ე მუხლის მე-4 ნაწილის „ა“ ქვეპუნქტით).
დაკავებულს 15-დან 20 წლამდე ვადით თავისუფლების აღკვეთა ან უვადო პატიმრობა ემუქრება.
