თბილისი, 21 დეკემბერი — Sputnik. სვანეთში ჩამოწოლილ ზვავს ერთი ადამიანის სიცოცხლე ემსხვერპლა, იუწყება ტელეკომპანია „რუსთავი 2“.
ინციდენტი ჯვარი-მესტიის გზაზე, ხაიშის მონაკვეთზე მოხდა. გარდაცვლილი ადგილობრივია. იგი მიკროავტობუსით გადაადგილდებოდა. გზის აღნიშნული მონაკვეთი ზვავის გამო ჩაკეტილი იყო, მამაკაცი კი გზის სანახავად მიკროავტობუსიდან გადმოვიდა, რა დროსაც ზვავი ჩამოწვა და იგი მოიყოლა.
ცხედარი უკვე გადაასვენეს ხაიშში.
მომხდარ ფაქტზე გამოძიება დაიწყო მუხლით „გაუფრთხილებლობით სიცოცხლის მოსპობა“ (სსკ-ის 116-ე მუხლის 1-ლი ნაწილი).
საავტომობილო გზების დეპარტამენტის ინფორმაციით, ინტენსიური თოვისა და ზვავსაშიშროების გამო ზუგდიდი-ჯვარი-მესტია-ლასდილის საავტომობილო გზის ჯვარი-ხაიშის მონაკვეთზე ყველა სახის ავტოტრანსპორტის მოძრაობა აკრძალულია.
