სათხილამურო კურორტებზე დამსვენებელთა უსაფრთხოებას მოთხილამურე პატრული დაიცავს

© photo: Sputnikზამთრის კურორტზე გუდაურში
ზამთრის კურორტზე გუდაურში - Sputnik საქართველო
გამოწერა
Yandex newsTelegram
სპეციალურად ამ მიზნით საქართველოს შსს-ს აკადემიაში გადამზადების სპეციალური კურსი 74-მა „მოთხილამურე პატრულმა" გაიარა.

თბილისი, 18 დეკემბერი — Sputnik. შსს-ს საპატრულო პოლიციის თანამშრომლებმა, საკურორტო სეზონის დაწყებასთან დაკავშირებით, შსს-ს აკადემიაში გადამზადების სპეციალური კურსი გაიარეს. ტრენინგს საქართველოს ყველა რეგიონიდან 74 „მოთხილამურე პატრული“ ესწრებოდა, იტყობინებასაქართველოს შსს-ს პრესსამსახური.

"სწავლება იმ საკანონმდებლო ცვლილებებს მოიცავდა, რომლებიც ბოლო ერთი წლის განმავლობაში საქართველოს ადმინისტრაციულ სამართალდარღვევათა კოდექსსა და საგზაო მოძრაობის შესახებ კანონში შევიდა. ახალი საკანონმდებლო ცვლილების თანახმად, საქართველოს სამთო–სათხილამურო კურორტების სათხილამურო გზებზე თოვლმავალით ან მსგავსი ტიპის მოძრავი საშუალებით გადაადგილება აიკრძალა", — ნათქვამია გავრცელებულ ინფორმაციაში.

გუდაური - Sputnik საქართველო
შაბათს საქართველოში ერთროულად ოთხი სამთო-სათხილამურო კურორტი გაიხსნება

წელს საქართველოს ყველა სამთო-სათხილამურო კურორტზე საზოგადოებრივ წესრიგსა და დამსვენებელთა უსაფრთხოებას, შსს-ს სხვა დანაყოფებთან ერთად, „მოთხილამურე პატრული“ დაიცავს.

„მოთხილამურე პატრულის“ საპილოტე პროექტის განხორციელება 2016 წლის იანვარიდან შს მინისტრის, გიორგი მღებრიშვილის ინიციატივით დაიწყო.

სამთო–სათხილამურო ფორმის ტანსაცმლითა და სპეციალური ეკიპირებით აღჭურვილი პატრული სათხილამურო გზებზე სხვადასხვა სახის შემთხვევების პრევენციას და დამსვენებელთა უსაფრთხოების მაქსიმალურ დაცვას უზრუნველყოფს.

ყველა ახალი ამბავი
0