თბილისი, 16 დეკემბერი – Sputnik. ქალაქ გორთან 3,1 მაგნიტუდის მიწისძვრა მოხდა, ნათქვამია ილიას სახელმწიფო უნივერსიტეტის სეისმური მონიტორინგის ცენტრის ვებ-გვერდზე გამოქვეყნებულ ინფორმაციაში.
მიწისქვეშა ბიძგები თბილისიდან 48 კილომეტრის დაშორებით თბილისის დროით 13:25 საათზე დაფიქსირდა.
საქართველო საშუალო სეისმური აქტივობის ქვეყანაა. ყველაზე მძლავრი 7-ბალიანი მიწისძვრა, რომელიც საქართველოში დაფიქსირდა, 1991 წელს რაჭასა და იმერეთში მოხდა. ეპიცენტრში ინტენსივობამ 9 ბალს მიაღწია. ამ მიწისძვრამ თითქმის 200 ადამიანი იმსხვერპლა, დაინგრა დაახლოებით 46 ათასი საცხოვრებელი სახლი და ათასი სამრეწველო ობიექტი.
