თბილისი, 9 დეკემბერი– Sputnik. პოლიციის მარნეულის რაიონული სამმართველოს თანამშრომლებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით მარნეულში ერთი პირი დააკავეს, იუწყება შინაგან საქმეთა სამინისტროს პრეს-სამსახური.
სამართალდამცველებმა ბრალდებულის საცხოვრებელი ბინის ჩხრეკისას 75 აბი ნარკოტიკული საშუალება ამოიღეს, რომელიც, ექსპერტიზის დასკვნით, 2,98777 გრამ მეტადონს შეიცავს. ასევე ამოღებულია 9,2 გრამი ტრამადოლის შემცველი 64 აბი.
ბრალდებული ჩადენილ დანაშაულს აღიარებს.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის 1-ლი ნაწილით და მე-6 ნაწილის „ა“ ქვეპუნქტით).
