თბილისი, 27 ნოემბერი — Sputnik. საქართველოს მოქალაქე დააკავეს საქართველო აზერბაიჯანის საზღვარზე, რომელიც საქართველოში ჰეროინის შემოტანას ცდილობდა, იტყობინება შსს-ს პრესსამსახური.
ბრალდებული, 1983 წელს დაბადებული ნ. ვ. „წითელ ხიდზე“ დააკავეს. პირადი ჩხრეკისას დაკავებულს აღმოუჩინეს ნარკოტიკული ნივთიერება, რომელიც ექსპერტიზის თანახმად 0,18 გრამ ჰეროინს შეიცავდა.
გამოძიება ნარკოტიკული საშუალების არაერთგზის უკანონო შეძენა-შენახვის და საქართველოში არაერთგზის უკანონოდ შემოტანის ფაქტებზე მიმდინარეობს.
გამოძიებამ დაადგინა, რომ ნ.ვ.-ს ნარკოტიკული საშუალება საქართველოში აზერბაიჯანის რესპუბლიკიდან შემოჰქონდა. ბრალდებული ჩადენილ დანაშაულს აღიარებს. მას 15 წლიანი პატიმრობა ემუქრება.
