თბილისი, 7 დეკემბერი — Sputnik. წლის დასაწყისიდან საქართველოს რუსეთიდან დაახლოებით 981 ათასი მოქალაქე ეწვია, რაც 2015 წლის იანვარ-ნოემბრის მონაცემებზე 13%-ით მეტია, აღნიშნულია საქართველოს შსს-ს ვებ-გვერდზე განთავსებულ მასალებში.
სულ 2016 წლის 11 თვეში საქართველოს დაახლოებით 5,9 მილიონი უცხოელი ეწვია, რაც 7,9%-ით მეტია გასული წლის ანალოგიური პერიოდის მონაცემებზე. აქედან ტურისტი იყო 2,5 მლნ ადამიანი (+19,3%).
მხოლოდ ნოემბერის თვეში საქართველოს 60,6 ათასი რუსეთის მოქალაქე ეწვია, რაც გასული წლის ანალოგიური პერიოდის მონაცემთან შედარებით 10%-ით მეტია.
ვიზიტორების რაოდენობით რუსეთს, სომხეთის, აზერბაიჯანისა და თურქეთის შემდეგ, მეოთხე ადგილი უკავია.
საქართველოში რუსი ტურისტების რაოდენობა ყოველწლიურად იზრდება — მიმდინარე წლის 11 თვეში საქართველოს 91%-ით უფრო მეტი მოქალაქე ეწვია რუსეთიდან, ვიდრე 2012 წლის განმავლობაში მთლიანად.
