საქართველოს პრემიერი ითხოვს ავტომანქანების ციმციმები ზედმეტად არ გამოიყენონ

© Sputnik / Alexander Imedashviliსაპატრულო მანქანა გამოძახებაზე მიდის
საპატრულო მანქანა გამოძახებაზე მიდის - Sputnik საქართველო
გამოწერა
საქართველოს სახელმწიფო მოსამსახურეებს უფლება აქვთ სახელმწიფო ავტომანქანებით მოძრაობისას სპეციალური ციმციმები მხოლოდ ორგანიზებული კოლონით გადაადგილებისას ჩართონ.

თბილისი, 29 ნოემბერი– Sputnik. საქართველოს პრემიერ-მინისტრმა გიორგი კვირიკაშვილმა მთავრობის სხდომაზე შინაგან საქმეთა მინისტრს გიორგი მღებრიშვილს მიმართა, რომ ავტომანქანების ციმციმებით მოძრაობის აღსაკვეთად, სპეციალური ზომები მიიღოს. 

საქართველოს საგზაო მოძრაობის კანონის თანახმად, სპეციალური ციმციმები სახელმწიფო ავტომანქანებზე მონტაჟდება. მათ ორგანიზებული კოლონით გადაადგილებისას იყენებენ.

"ამ დღეების განმავლობაში, არაერთხელ შემხვდა ციმციმებიანი შავი ჯიპების მოძრაობა არა მარტო ქალაქში, არამედ ავტობანებზეც. მინდა გთხოვოთ, შესაბამისი ზომები იქნას მიღებული პატრულის მხრიდან",- განაცხადა კვირიკაშვილმა.

პარლამენტის შენობა თბილისში - Sputnik საქართველო
პარლამენტში სამოქალაქო თანამშრომლობის ცენტრი გაიხსნა

მთავრობის მეთაურმა აღნიშნა, რომ ის თითქმის არ იყენებს ციმციმებს, და იმედი გამოთქვა, რომ სახელმწიფო მოსამსახურეები მის მაგალითს გამოიყენებბენ, რადგან ეს საკმაოდ გამაღიზიანებლად მოქმედებს მოსახლეობაზე. 

მანქანებზე ციმციმების, სიგნალების, ხმის გამაძლიერებლების და ოპერატიული სამსახურების სიმბოლიკის გამოყენება საქართველოს ადმინისტრაციული სამართალდარღვევების კოდექსით რეგულირდება. თუ კი მანქანის მფლობელი ამ ატრიბუტიკას შსს ნებართვის გარეშე დააყენებს, ის 100 ლარით დაჯარიმდება.

ყველა ახალი ამბავი
0