ვითარება თსუ-ში დაიძაბა: „აუდიტორია 115“-მა მოქმედება დაიწყო

© Sputnik / Levan Avlabreliსტუდენტები პლაკატებით თბილისის სახელმწიფო უნივერსიტეტის პირველ კორპუსში
სტუდენტები პლაკატებით თბილისის სახელმწიფო უნივერსიტეტის პირველ კორპუსში - Sputnik საქართველო
გამოწერა
НовостиTelegram
სტუდენტური მოძრაობა „აუდიტორია 115“-ის აქტივისტები ივანე ჯავახიშვილის სახელობის თბილისის სახელმწიფო უნივერსიტეტის მთავარ კორპუსში საარჩევნო უბნების პიკეტირებას ახდენენ.

თბილისი, 25 ნოემბერი — Sputnik. სტუდენტური მოძრაობა „აუდიტორია 115“-ის აქტივისტებმა საკუთარი მოთხოვნების რეალიზება დაიწყეს — მათ ივანე ჯავახიშვილის სახელობის თბილისის სახელმწიფო უნივერსიტეტის მთავარ კორპუსში ოთხივე საარჩევნო უბნის პიკეტირება მოახდინეს. დღეს თსუ-ში სტუდენტური თვითმმართველობის არჩევნები მიმდინარეობს.

© Sputnik / Levan Avlabreliსტუდენტების აქცია თსუ-ს პირველ კორპუსში
სტუდენტების აქცია თსუ-ს პირველ კორპუსში - Sputnik საქართველო
სტუდენტების აქცია თსუ-ს პირველ კორპუსში

„აუდიტორია 115“ სტუდენტური თვითმმართველობის წინააღმდეგ გამოდის. მისი წევრები აცხადებენ, რომ თვითმმართველობის უკან უსაფრთხოების სამსახურების აგენტები დგანან და ისინი არა სტუდენტების, არამედ ხელისუფლების ინტერესებს ატარებენ.

„ყველა საარჩევნო უბანი პირველ კორპუსში პიკეტირებულია. პიკეტირება მეორე კორპუსშიც დაიწყება, ხოლო მესამე კორპუსში კენჭისყრის პროცედურა უკვე შეწყვეტილია. ჩვენ ყველაფერს ვაკეთებთ იმისთვის, რათა არ გაგრძელდეს ეს ძალადობრივი, იერარქიული სტრუქტურა კიდევ ორი წლით“, — განუცხადა ჟურნალისტებს „აუდიტორია 115“-ის ერთ-ერთმა აქტივისტმა გიორგი ჩიხლაძემ.

თბილისის სახელმწიფო უნივერსიტეტი - Sputnik საქართველო
თბილისის სახელმწიფო უნივერსიტეტში თვითმმართველობის არჩევნები მიმდინარეობს

უნივერსიტეტის სხვადასხვა კორპუსში დილიდან 13 საარჩევნო უბანი გაიხსნა. სტუდენტურ თვითმმართველობაში 140 ადგილზე 174 კანდიდატია წარდგენილი.

„აუდიტორია 115“ სტუდენტური თვითმმართველობის წინააღმდეგი ზოგადად არ არის, მაგრამ მის რეფორმირებას მოითხოვს. გაერთიანება მოითხოვს პირდაპირ არჩევნებს სენატში (წარმომადგენლობით საბჭოში) და ფაკულტეტების საბჭოებში.

არჩევნების ჩასაშლელად „აუდიტორია 115“ წინასწარ მოემზადა — გუშინ, საღამოს ისინი უნივერსიტეტის მეექვსე კორპუსში შეიჭრნენ და შენობაში შესასვლელი დაბლოკეს.

ყველა ახალი ამბავი
0