თბილისი, 19 ნოემბერი – Sputnik. სამეგრელოს რაიონის სოფელ ლიაში ახალგაზრდა მამაკაცმა საკუთარ მშობლებს — 88 წლის მამასა და 84 წლის დედას ნაჯახით თავები მოკვეთა და მიმალვას შეეცადა, იუწყება ტელეარხი „პალიტრა ნიუსი“. როგორც გაირკვა, მამაკაცს ფსიქოლოგიური პრობლემები ჰქონდა.
„მას (ეჭვმიტანილს) ფსიქიური პრობლემები ბავშვობიდან ჰქონდა. დღეს ნაჯახით საკუთარ მშობლებს თავები მოაჭრა და გაქცევას შეეცადა. გაქცევის დროს კი ვენების გადაჭრას შეეცადა“, — განაცხადა სოფლის რწმუნებულმა ვახტანგ კვირკველიამ.
საქართველოს შსს-მ ორვე მკვლელობის ფაქტი დაადასტურა, თუმცა დეტალების გასაჯაროვებისგან თვი შეიკავა.
„სისხლის სამართლის საქმე სსსკ-ის 109-ე მუხლითაა აღძრული. შეგვიძლია მხოლოდ მკვლელობების ფაქტები დაგიდასტუროთ“, — სააგენტო „ნოვოსტი გრუზია“ შსს-ს პრეს-სამსახურის თანამშრომლის სიტყვებს ციტირებს.
