თბილისი, 18 ნოემბერი — Sputnik. თანასოფლელის მოკვლის ბრალდებით, პოლიციის თანამშრომლებმა ქვემო ქართლში სოფელ თაზაკენდის მკვიდრი დააკავეს. იტყობინება საინფორმაციო სააგენტო „ნოვოსტი-გრუზია“ შსს-ს პრესსამსახურზე დაყრდნობით. დანაშაული პარასკევს გამთენიისას მოხდა. მედიის ცნობით, ბრალდებულმა მურაზ ჰუსეინოვმა შამილ ჰასანოვი არმატურის თავში ჩარტყმით მოკლა.
მაგრამ სხვა ვერსიით, ჰასანოვი მურაზ ჰუსეინოვის სახლში შეიჭრა. ჰუსეინოვი თავს იცავდა, ჰასანოვს დანა დაარტყა და ადგილზე მოკლა. მომხდარის ნამდვილ მიზეზს გამოძიება დაადგენს. სისხლის სამართლის საქმე აღძრულია „განზრახ მკვლელობის“ მუხლით, რაც 7-დან 15 წლამდე თავისუფლების აღკვეთით ისჯება.
