თბილისი, 16 ნოემბერი – Sputnik. საქართველოს საარჩევნო ცენტრალური კომისიის საქართველოს საპარლამენტო არჩევნების შემაჯამებელი შედეგები „საკანონმდებლო მაცნის“ ოფიციალურ ვებ-გვერდზე გამოქვეყნდა.
საქართველოს საპარლამენტო არჩევნები ორ ტურად — 8 და 30 ოქტომბერს გაიმართა.
მეცხრე მოწვევის საქართველოს პარლამენტში სადეპუტატო ადგილები შემდეგნაირად გადანაწილდა:
— „ქართული ოცნება — დემოკრატიული საქართველო“ – 115 ადგილი;
— „ერთიანი ნაციონალური მოძრაობა“ – 27 ადგილი;
— „დავით თარხან-მოურავი, ირმა ინაშვილი — საქართველოს პატრიოტთა ალიანსი“ – 6 ადგილი
მაჟორიტარი დეპუტატი სიმონ ნოზაძე — პარტია „მრეწველობა გადაარჩენს საქართველოს“
დამოუკიდებელი დეპუტატი სალომე ზურაბიშვილი.
ასე რომ, მმართველმა პარტია „ქართული ოცნება-დემოკრატიულმა საქართველომ“ პარლამენტში საკონსტიტუციო უმრავლესობა (115 ადგილი) და მთავრობის ერთპიროვნულად ჩამოყალიბების უფლება მოიპოვა.
მეცხრე მოწვევის საქართველოს პარლამენტის პირველი სხდომა 18 ნოემბერს გაიმართება.
