საქართველოში გლობალური მეწარმეობის კვირეული გაიხსნა

© FB / Технопаркგლობალური მეწარმეობის კვირეული
გლობალური მეწარმეობის კვირეული - Sputnik საქართველო
გამოწერა
პროექტია, რომელიც 160 ქვეყანას მოიცავს, მიზნად ისახავს მეწარმეობის პოპულარიზაციასა და ახალგაზრდების ჩართულობას.

თბილისი, 14 ნოემბერი — Sputnik. თბილისში გლობალური მეწარმეობის კვირეულის გახსნის ცერემონიაზე საქართველოს პრემიერი გიორგი კვირიკაშვილი სიტყვით გამოვიდა.

ინოვაციებისა და მაღალი ტექნოლიგიების განვითარების ცენტრში (ტექნოპარკი) გამართულ ღონისძიებაზე საქართველოს მთავრობის წევრები, 200 კერძო კომპანიის და ასევე დიპკორპუსის წარმომადგენლები ესწრებოდნენ.

გიორგი კვირიკაშვილი - Sputnik საქართველო
პრემიერი: Doing Business-2017-ის რეიტინგში საქართველოს მაჩვენებელი დიდი ნახტომია

„გლობალური მეწარმეობის კვირეული ერთდროულად მსოფლიოს 160 ქვეყანაში ტარდება.  მნიშვნელოვანია, რომ საქართველომ ფეხი აუწყოს თანამედროვე იდეების დინამიკას. ეს ძალზე მნიშვნელოვანია ჩვენი ქვეყნის მომავლისთვის, ჩვენი ქვეყნის ეკონომიკური სტრუქტურული ცვლილებისა და იმისთვის, რომ უფრო მეტმა ადამიანმა იაზროვნოს სამეწარმეო მიმართულებით და აღმოაჩინოს უამრავი შესაძლებლობა", — განაცხადა კვირიკაშვილმა.

საქართველოში აშშ-ის პრეზიდენტმა იან კელიმ აღნიშნა, რომ სამეწარმეო კვირეულის ფარგლებში დამწყებ ბიზნესმენებს შეუძლიათ გამოცდილი კოლეგებისგან ბევრი რამ ისწავლონ.

სტარტაპ-საქართველოს გამარჯვებულები - Sputnik საქართველო
საპარტნიორო ფონდი "სტარტაპ საქართველოს" გამარჯვებულების დაფინანსებას იწყებს

„საქართველოსთვის ეს პროექტი მნიშვნელოვანია, ის ქვეყანას ეკონომიკურ განვითარებაში დაეხმარება, განსაკუთრებით ეს გამოცდილების გაზიარებას ეხება“, — განაცხადა ჟურნალისტებთან ამერიკელმა ბიზნესმენმა.

მეწარმეობის კვირეული — საერთაშორისო ფართომასშტაბიანი პროექტია, რომელიც 160 ქვეყანას მოიცავს და მიზნად ისახავს მეწარმეობის პოპულარიზაციასა და ახალგაზრდების ჩართულობას.

პროექტი, რომელიც 14-20 ნოემბრის პერიოდში იმართება, მოწოდებულია ახალი სტარტაპების ჩაშვებისთვის ხელშეწყობაზე, სამუშაო ადგილების შექმნაზე, ეკონომიკის ზრდასა და კეთილდღეობაზე.

კვირეულის ფარგლებში საქართველოში სხვადასხვა ფორუმები, პრეზენტაციები და ბიზნეს-მოლაპარაკებები გაიმართება.

ყველა ახალი ამბავი
0