თბილისი, 13 ნოემბერი– Sputnik. სამართალდამცველებმა ალკოჰოლის ზემოქმედების ქვეშ მყოფი მამაკაცი დააკავეს, რომელიც თავის მეუღლეს სიცოცხლის მოსპობით ემუქრებოდა, ნათქვამია შს სამინისტროს საიტზე გამოქვეყნებულ განცხადებაში.
სამართალდამცავები დროულად მივიდნენ გამოძახების ადგილას ლაგოდეხის რაიონის სოფელ ნინოგორში.
ჩხრეკისას პოლიციელებმა გადაჭრილი თოფი აღმოაჩინეს, რომელიც ნივთმტკიცებად ამოიღეს.
სისხლის სამართლის საქმე ორი მუხლის მიხედვით აღიძრა: მუქარა და ცეცხლსასროლი იარაღის მართლსაწინააღმდეგო შეძენა-შენახვა-ტარება.
დაკავებულს სასამართლო ელოდება, და, ბრალის დამტკიცების შემთხვევაში, თავისუფლების აღკვეთა ექვს წლამდე ვადით.
