ობამამ ტრამპთან ერთად ფოტო არ გადაიღო

© REUTERS / Kevin Lamarqueდონალდ ტრამპი და ბარაკ ობამა
დონალდ ტრამპი და ბარაკ ობამა - Sputnik საქართველო
გამოწერა
ბარაკ ობამამ დონალდ ტრამპთან ერთად თეთრი სახლის მდელოზე ტრადიციული ფოტოს გადაღებაზე უარი განაცხადა, რამდენადაც ის თვლის, რომ ტრამპი „პრეზიდენტად არ გამოდგება“ და „მას არ შეიძლება ანდო ბირთვული ჩემოდნის გასაღები“.

თბილისი, 11 ნოემბერი — Sputnik. აშშ-ის პრეზიდენტმა ბარაკ ობამამ არჩეულ პრეზიდენტ დონალდ ტრამპთან თეთრი სახლის სამხრეთ მდელოზე ერთობლივი ფოტოს გადაღების ტრადიციული ცერემონია გააუქმა, იუწყება სააგენტო „რია ნოვოსტი“ გამოცემა Wall Street Journal-ზე დაყრდნობით.

ხუთშაბათს ტრამპი საპრეზიდენტო რეზიდენციაში თავის მეუღლესთან მელანიასთან ერთად მივიდა. ობამასა და ტრამპის შეხვედრა ადგილობრივი დროით 11:00 საათზე დაიწყო. 

დონალდ ტრამპის როლები - Sputnik საქართველო
დონალდ ტრამპის შვიდი ყველაზე ცნობილი გაელვება კინემატოგრაფში

სანამ ობამა და ტრამპი ოვალურ კაბინეტში საუბრობდნენ, პირველმა ლედიმ მიშელ ობამამ მელანიას თეთრი სახლი დაათვალიერებინა.

გამოცემა იხსენებს, რომ 2008 წელს ჯორჯ ბუში-უმცროსმა ანალოგიურ ვითარებაში გადაიღო ფოტო ბარაკ და მიშელ ობამასთან ერთად. მოქმედი პრეზიდენტის ეს გადაწყვეტილება შეიძლება იმ მწვავე პოლემიკით აიხსნას, რაც მან საარჩევნო კამპანიისას დაუსწრებლად აწარმოა. კერძოდ, ობამა, რომელიც „დემოკრატ“ ჰილარი კლინტონს აქტიურად უჭერდა მხარს, აცხადებდა, რომ მილიარდერს არ აქვს სათანადო გამოცდილება, „პრეზიდენტად არ გამოდგება“ და „მას არ შეიძლება ანდო ბირთვული ჩემოდნის გასაღები".

ყველა ახალი ამბავი
0