საქართველოსა და ინდოეთს შორის პირდაპირი ავიარეისები დაიწყება

© Минэкономикиსამოქალაქო ავიაციის სფეროში თანამშრომლობის მემორანდუმის ხელმოწერა
სამოქალაქო ავიაციის სფეროში თანამშრომლობის მემორანდუმის ხელმოწერა - Sputnik საქართველო
გამოწერა
საქართველო და ინდოეთი სამოქალაქო ავიაციის სფეროში თანამშრომლობას გააღრმავებენ, რაც კულტურული და სავაჭრო ურთიერთობების გაფართოებას შეუწყობს ხელს და გაზრდის ტურისტების რიცხვს ორივე ქვეყანაში.

თბილისი, 10 ნოემბერი — Sputnik. სამოქალაქო ავიაციის სფეროში თანამშრომლობის გაღრმავების მემორანდუმს მოაწერეს ხელი საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა და ინდოეთის რესპუბლიკის სამოქალაქო ავიაციის მინისტრმა აშოკ გაჯაპათმა სახელმწიფო კანცელარიაში. 

მემორანდუმში განსაკუთრებულად გაესვა ხაზი საქართველოსა და ინდოეთს შორის თანამშრომლობის გაღრმავების არსებულ პერსპექტივებს ვაჭრობის, კულტურის და ტურიზმის სფეროებში და პირდაპირი საჰაერო მიმოსვლის მნიშვნელობას ხსენებული მიზნის მისაღწევად. 

ამასთან, ყურადღება გამახვილდა მხარეებს შორის საჰაერო მიმოსვლის განვითარების კუთხით სამართლებრივი ბაზის ჩამოყალიბებასა და ორმხრივი მთავრობათაშორისი შეთანხმების გაფორმების მნიშვნელობაზე. დოკუმენტის თანახმად, მხარეები შეთანხმდნენ, რომ შეთანხმების ტექსტზე მოლაპარაკების გამართვა მიმდინარე წლის ბოლომდე დაიწყება. 

Royal Falcon Airlines - Sputnik საქართველო
იორდანული ავიაკომპანია საქართველოში ფრენების დაწყებას გეგმავს

მემორანდუმში ასევე საუბარია ორ ქვეყანას შორის თანამშრომლობაზე სამოქალაქო ავიაციის დარგში სასწავლო ტრენინგების მიმართულებით. 

დიმიტრი ქუმსიშვილმა ასევე პოზიტიურად შეაფასა საქართველოში მსხვილი ინდური კორპორაციების მოღვაწეობა და მათ მიერ განხორციელებული ინვესტიციები. მათ შორის, განსაკუთრებული აქცენტი „ტატა ჯგუფზე“ გაკეთდა, რომლის ინვესტიციები აჭარაში მიმდინარე ჰიდროელექტროსადგურს მშენებლობაში 700 მილიონ აშშ დოლარზე მეტს შეადგენს.  2016 წლის 9 თვის მონაცემებით, საქართველოს სავაჭრო ბრუნვა ინდოეთთან 27 პროცენტით გაიზარდა. რაც ასევე მნიშვნელოვანია, 29 პროცენტით მოიმატა ინდოეთში ექსპორტის მაჩვენებელმა. 


ყველა ახალი ამბავი
0