თბილისი, 9 ნოემბერი– Sputnik. „თბილისის ბაროკო ფესტივალი —2016", რომელიც ამიერკავკასიაში ერთადერთია, საქართველოს დედაქალაქში 10-14 ნოემბრის პერიოდში გაიმართება.
ბაროკოს მუსიკა რენესანსის ეპოქის ბოლოს წარმოიშვა და კლასიციზმის ეპოქის მუსიკას უძღოდა წინ. ბაროკოს გამოჩენილი წარმომადგენლები იყვნენ ვივალდი, ბახი, გენდელი. ბაროკოს მუსიკა — ეს დაახლოებით 1600-დან 1750 წლამდე პერიოდში კლასიკური ევროპული მუსიკის სტილია.
როგორც საქართველოს კულტურისა და ძეგლთა დაცვის სამინისტროში აცხადებენ, ფესტივალის ფარგლებში თბილისის შოთა რუსთაველის სახელობის სახელმწიფო დრამატული თეატრის სცენაზე რვა კონცერტი, ლექციები და მასტერ-კლასები ჩატარდება.
ფესტივალში, რომელიც მეორედ ტარდება, მონაწილეობას მიიღებენ აკადემიური მუსიკის მსოფლიო ვარსკვლავები და ძველი მუსიკის სპეციალისტები აშშ-დან, ავსტრალიიდან, დიდი ბრიტანეთიდან, გერმანიიდან, იტალიიდან, საფრანგეთიდან, ნიდერლანდებიდან და საქართველოდან.
მუსიკოსებს შორის იქნებიან გერმანელი დირიჟორები კორნელია ფონ კენსერბროკი და ქრისტოფ მაიერი, იაპონური წარმომავლობის ამერიკელი სოპრანო კრისტენ ვიტნერი, ფრანგი თეორბისტი ეტიენ გალეტიე, იტალიელი ვიოლონჩელისტი დავიდ ამადიო, ნიდერლანდური ანსამბლი "The Spirit of Gambo" და სხვები.
საქართველოს ფესტივალზე თბილისის გუნდი „ბაროკო“, ვანო სარაჯიშვილის სახელობის სახელმწიფო კონსერვატორიის მაგისტრანტების კამერული გუნდი, თბილისის სახელმწიფო კამერული ორკესტრი „საქართველოს სიმფონიეტა“ და რუსთავის კაპელა, ასევე სოლისტები — კონტრ-ტენორი მიხეილ აბრამიშვილი და ტენორი დავით გოგოლაშვილი.
„თბილისის ბაროკოს მუსიკის ფესტივალის“ ორგანიზატორები სახელმწიფო კამერული ორკესტრი „საქართველოს სიმფონიეტა“ და საქართველოს კულტურისა და ძეგლთა დაცვის სამინისტროა.
