თბილისი, 8 ნოემბერი — Sputnik. თბილისის კამერული მუსიკის ფესტივალი ვანო სარაჯიშვილის სახელობის თბილისის სახელმწიფო კონსერვატორიაში 8-13 ნოემბერს გაიმართება.
ფესტივალი, რომელშიც ქართველი და უცხოელი მუსიკოსები მონაწილეობენ, ვოკალური მუსიკის საღამოთი გაიხსნება. მსმენელის წინაშე წარდგებიან ნიკოლოზ რაჭველი (ფორტეპიანო), მეგი ჩიხრაძე (სოპრანო), თამარ ლიჩელი (ფორტეპიანო), „ნიჭიერთა ათწლედის“ მოსწავლეები, ჯგუფი The Quintessence და სხვები.
პროგრამაშია რობერტ შუმანის, გუსტავ მალერის, ალბან ბერგისა და კლოდ დებიუსის ნაწარმოებები.
ღონისძიების ორგანიზატორები არიან თბილისის მერია და საქართველოს კულტურისა და ძეგლთა დაცვის სამინისტრო.
თბილისის კამერული მუსიკის ფესტივალი 2006 წლიდან იმართება. მასში აქტიურად მონაწილეობენ სხვადასხვა თაობის ქართველი და უცხოელი შემსრულებლები.
