თბილისი, 30 ოქტომბერი — Sputnik. აჭარაში საარჩევნო უბნებში ხმის დათვლის პროცესი მიმდინარეობს. აჭარის მოსახლეობა დღეს გამართულ საპარლამენტო არჩევნების მეორე ტურში საქართველოს პარლამენტის 5 მაჟორიტარ კანდიდატს და ასევე აჭარის უმაღლსი საბჭოს 6 მაჟორიტარი დეპუტატობის კანდიდატს ირჩევდა.
ამ დროისთვის უსკოს მონაცემებით, 348 საარჩევნო უბნიდან 20 უბანია დათვლილი და ყველგან მმართველი პარტია „ქართული ოცნება-დემოკრატიული საქართველოს“ წარმომადგენლები ლიდერობენ.
საარჩევნო უბნების დახურვისას ხელვაჩაურის ოლქში 28-ე, 29-ე და 36-ე უბნებზე გაითიშა ელექტროენერგია, თუმცა ელექტროენერგიის მიწოდება მალევე აღდგა, შესაბამისად პრობლემა არ შექმნილა.
აჭარაში 40 საჩივარია დაფიქსირებული. რაც შეეხება აქტივობას, დღეს არჩევნებზე ამომრჩეველთა სიის სრული რაოდენობის მხოლოდ 37% მივიდა.
ამომრჩეველთა აქტივობა ოლქების მიხედვით ასე გამოიყურება:
ბათუმის N79 ოლქი (68,69,70) – 50 847 ამომრჩეველი, 31.98 %
ქობულეთის N71 მაჟორიტარული ოლქი- 20 117 ამომრჩეველი, 40.78 %
ხელვაჩაურის N72 მაჟორიტარული ოლქი- 18 320 ამომრჩეველი, 38 07%
ხულოს N73 მაჟორიტარული ოლქი (ხულო,ქედა,შუახევი)- 24 918 ამომრჩეველი, 47.79%
