თბილისი, 30 ოქტომბერი — Sputnik. საქართველოს პარლამენტის არჩევნების მეორე ტური მშვიდ გარემოში მიმდინარეობს, განაცხადა ბრიფინგზე ცესკოს პრეს-სპიკერმა ანა მიქელაძემ.
არჩევნების მეორე ტური მაჟორიტარული სისტემით საქართველოს 50 ერთმანდატიან ოლქში ტარდება. ბოლო მონაცემებით, არასამთავრობო ორგანიზაციების წარმომადგენლებმა 60-მდე საჩივარი დაწერეს დარღვევებზე.
„ამ დროისათვის (15:00) ყველა საარჩევნო უბანზე ხმის მიცემის პროცესი მშვიდ გარემოში მიმდინარეობს. ყველა ამომრჩეველს აქვს საშუალება ყოველგვარი დაბრკოლების გარეშე თავისი კონსტიტუციური უფლების რეალიზება მოახდინოს და დააფიქსიროს თავისი არჩევანი… საჩივრების ძირითადი ნაწილი პროცედურულ დარღვევებს ეხება“, — თქვა მიქელაძემ.
