თბილისი, 26 ოქტომბერი – Sputnik. სასაზღვრო-გამშვები პუნქტებზე 30 სექტემბრიდან 22 ოქტომბრის პერიოდში თანამშრომლებმა ნარკოტიკული ნივთიერებების შემცველი მედიკამენტები (526.852 კგ. და 34.05 აბი) ამოიღეს, იუწყება ფინანსთა სამინისტროს შემოსავლების სამსახურის პრეს-სამსახური.
მედიკამენტები თურქეთ-საქართველოს, საქართველო-აზერბაიჯანისა და საქართველო-სომხეთის სასაზღვრო-გამშვებ პუნქტებზე ამოიღეს.
ძლიერმოქმედი ფსიქოტროპული მედიკამენტების შემოტანისა და რეალიზაციის კუთხით, საქართველოში მკაცრი კონტროლი ხორციელდება.
საქართველოში მედიკამენტები სამ ჯგუფად იყოფა. პირველ ჯგუფში ის მედიკამენტებია შეტანილი, რომელთა შეძენაც ექიმის რეცეპტის გარეშეა შესაძლებელი, მეორე და მესამე ჯგუფში შეტანილი მედიკამენტების გაყიდვა კი რეცეპტის გარეშე აკრძალულია.
!-- —>
!-- —>
