კრიმინალურ ფულს მთელი რუსეთის მასშტაბით შაქრო კალაშოვი ანაწილებდა

© photo: Sputnik / Максим Блинов / ფოტობანკში გადასვლა"შაქრო მოლოდოი"
შაქრო მოლოდოი - Sputnik საქართველო
გამოწერა
Yandex newsTelegram
ზაქარია კალაშოვი ბრალდებულია გამოძალვაში. სისხლის სამართლის საქმე 2015 წლის დეკემბერში აღიძრა.

თბილისი, 21 ოქტომბერი — Sputnik. რუსეთის დანაშაულებრივი საზოგადოების მონაწილეებს შორის კრიმინალურ ფულს ზაქარია კალაშოვი, ე.წ. კანონიერი ქურდი, იგივე „შაქრო მოლოდოი“ ანაწილებდა, აღნიშნულია სისხლის სამართლის საქმეში.

„კალაშოვი, როგორც რუსეთის დანაშაულებრივი საზოგადოების ხელმძღვანელი, ნიშნავდა და აკონტროლებდა სტრუქტურული ქვედანაყოფების ხელმძღვანელებს, რომლებიც ერთიანი მიზნებით გაერთიანებული არიან ეკონომიკისა და სამეურნეო საქმიანობის სხვადასხვა სფეროში. ის მათ და საზოგადოების სხვა მონაწილეებს შორის ანაწილებდა უკანონოდ მიღებულ ფულად სახსრებს და სხვა ქონებას“, — აღნიშნულია სისხლის სამართლის საქმის მასალებში, იუწყება საინფორმაციო სააგენტო „რია ნოვოსტი“ მის ხელთ არსებული დადგენილების ასლის საფუძველზე.

რუსეთის პოლიცია - Sputnik საქართველო
„კანონიერი ქურდი“ კალაშოვი მოსკოვში მკვლელობის საქმეზე დააკავეს

საქმის აღძვრის შესახებ დოკუმენტიდან ირკვევა, რომ „შაქრო მოლოდოი“ გასცემდა შესასრულებლად სავალდებულო ბრძანებებსა და განკარგულებებს, უზრუნველყოფდა და გეგმავდა საზოგადოების დანაშაულებრივ საქმიანობას სხვადასხვა წყაროების დახმარებით.

ერთ-ერთი ასეთი ქვედანაყოფის ლიდერი, გამოძიების ვერსიით, იყო ანდრეი კოჩუიკოვი („იტალიანეცი“). ორივე პირი დააკავეს მოსკოვში რესტორან Elements-ის მეპატრონისგან 8 მლნ რუბლის გამოძალვის საქმეზე, რომელიც რუსეთის საგამოძიებო კომიტეტის მაღალჩინოსნების სისხლის სამართლებრივი დევნით გაგრძელდა. ჩინოვნიკებმა, გამოძიების ვერსიით, შაქრო კალაშოვისგან, დამნაშავეებისთვის ბრალდების შემსუბუქების მიზნით, ქრთამი მიიღეს.

კალაშოვი გამოძალვის საქმეშია ბრალდებული, რომელიც გასული წლის დეკემბერში მოსკოვში რესტორან Elements-თან მომხდარი სროლის შემდეგ აღიძრა. მაშინ სროლისას ორი ადამიანი დაიღუპა.

0