თბილისი, 16 ოქტომბერი — Sputnik. ავიაკომპანია „თურქმენული ავიხაზები“ ორი ნოემბრიდან აშხაბადი-თბილისი-აშხაბადის პირდაპირი ავიარეისების განხორციელებას იწყებს. ავიაკომპანიამ უკვე მიიღო საქართველოს ეკონომიკის სამინისტროს სამოქალაქო ავიაციის სააგენტოს შესაბამისი ნებართვა ფრენებზე.
რეგულარული რეისები საქართველოსა და თურქმენეთის დედაქალაქებს შორის განხორციელდება კვირაში ორჯერ, ოთხშაბათსა და კვირას Boeing-737 და Boeing-757-ის ტიპის თვითმფრინავებზე.
ამ დროისათვის თურქმენეთსა და საქართველოს შორის ავიაგადაზიდვები არ ხორციელდება.
