თბილისი, 14 ოქტომბერი — Sputnik. რუსეთი ლიდერობს საქართველოში ფულადი გადარიცხვების მოცულობით — სექტემბერში ამ ქვეყნიდან გადმორიცხულია 34,9 მილიონი დოლარი, რაც 5,4%-ით ნაკლებია მიმდინარე წლის აგვისტოს ანალოგიურ მაჩვენებელზე, ნათქვამია ეროვნული ბანკის ვებ-გვერდზე გამოქვეყნებულ მასალებში.
სექტემბერში, სწორედ რუსეთის წილზე მოდის ქართულ კომერციულ ბანკებში ელექტრონული ფულადი გადარიცხვების 34,9%.
სექტემბერში საქართველოში სხვადასხვა ქვეყნიდან 100,2 მილიონი დოლარი გადმორიცხეს.
ამავე დროს, რუსეთიდან ფულადი გადარიცხვები, შარშანდელთან შედარებით გაიზარდა.
პირველი ცხრა თვის მანძილზე 20%-ით მეტი ფულადი გადარიცხვა განხორციელდა, ვიდრე გასულ წელს იმავე პერიოდში.
2016 წლის იანვარ-სექტემბერში რუსეთიდან გადმორიცხული თანხების საერთო მოცულობამ 283 მილიონი დოლარი შეადგინა.
