თბილისი, 8 ოქტომბერი — Sputnik. მარნეულში განვითარებულ მოვლენებთან დაკავშირწებით საქართველოს შს სამინისტრო ოფიციალურ განცხადებას ავრცელებს.
მარნეულის №48-ე საარჩევნო უბანზე დაძაბულობა მას შემდეგ დაიწყო, რაც ერთ-ერთმა ამომრჩეველმა მარკირების ხელახლა გავლა სცადა.
„მარნეულის რაიონის სოფელ ყიზილ-აჯლოში პარტია „ერთიანი ნაციონალური მოძრაობის“ და ბლოკი „პაატა ბურჭულაძე — სახელმწიფო ხალხისთვის“ მომხრეები 48-ე საარჩევნო უბანზე შეჭრას და საარჩევნო ყუთის გატაცებას შეეცადნენ", — ნათქვამია განცხადებაში.
დაპირისპირების შედეგად რამდენიმე სამართალდამცველი, მათ შორის, მარნეულის პოლიციის უფროსი დაშავდა, აღნიშნულია განცხადებაში.
ამ დროისათვის საარჩევნო უბანზე მობილიზებულია პოლიციის დამატებითი ძალები.
