თბილისი, 7 ოქტომბერი — Sputnik. საზოგადოებრივი აზრის გამოკითხვამ აჩვენა, რომ აშშ-ის პრეზიდენტობის „რესპუბლიკელი“ კანდიდატი დონალდ ტრამპი 2%-ით უსწრებს „დემოკრატ“ ოპონენტ ჰილარი კლინტონს.
„რესპუბლიკელ“ კანდიდატს მხარს უჭერს რესპონდენტთა 43%, ხოლო „დემოკრატ“ კანდიდატს — გამოკითხულთა 41%, ნათქვამია კომპანია Rasmussen Reports-ის ვებ-გვერდზე, რომელიც სხვადასხვა სოციოლოგიურ გამოკითხვებზეა ორიენტირებული.
ათასობით ამერიკელი მას შემდეგ გამოიკითხა, რაც ტელევიზიით აშშ-ის ვიცე-პრეზიდენტობის კანდიდატების დებატები გადაიცა.
Rasmussen Reports-ის ანალოგიურმა გამოკითხვამ აგვისტოს შუა რიცხვებში აჩვენა, რომ დონალდ ტრამპი ჰილარი კლინტონს 2%-ით ჩამორჩებოდა — ტრამპი 39%, კლინტონი 41%.
