გამომდინარე იქიდან, რომ საქართველოში შერეული საარჩევნო სისტემაა, ამომრჩეველს პარტიებთან ერთად, ერთმანდატიან საარჩევნო ოლქებში წარმოდგენილ კანდიდატებს შორის არჩევანის გაკეთება მოუწევს.
საქართველოში 73 ერთმანდატიანი საარჩევნო ოლქია, რომელშიც კენჭს იყრის 845 ადამიანი — როგორც პარტიების ისე დამოუკიდებელი დეპუტატობის წარმომადგენლები. გამარჯვებისთვის საარჩევნო უბანზე მისული ამომრჩევლის 50%-ზე მეტი ხმის მიღებაა საჭირო. წინააღმდეგ შემთხვევაში ორი, რომელთაც ყველაზე მეტი ხმა ექმებათ მიღებული, მეორე ტურში „შეეჭიდებიან“ ერთმანეთს.
საქართველოს პარლამენტში მაჟორიტარი დეპუტატობის კანდიდატთა უმეტესობა მამაკაცია. საარჩევნო სიაში ქალი მხოლოდ 122-ია.
მთაწმინდის რაიონში კანდიდატებს შორის კონკურენცია სხვა რაიონებთან შედარებით დიდია — 15 ადამიანი დეპუტატის ერთი ადგილისთვის იბრძვის, ამ მხრივ ყველაზე ნაკლები კონკურენცია ნაძალადევის რაიონშია — 6 კანდიდატი.
საშუალოდ, თბილისში დეპუტატის „სავარძლისთვის“ ერთმანდატიან ოლქებში 12-14 ადამიანი, რეგიონებში კი 8-10 კანდიდატი იბრძვის.
კანდიდატების ყველაზე მეტი რაოდენობა (73 საარჩევნო ოლქიდან 72) სამმა პოლიტიკურმა ძალამ წარმოადგინა — „ქართული ოცნება — დემოკრატიულმა საქართველომ“, „ერთიანმა ნაციონალურმა მოძრაობამ“ და სულ ახლახანს შექმნილმა საარჩევნო ბლოკმა „პაატა ბურჭულაძე —სახელმწოფო ხალხისთვის“.
