თბილისი, 23 სექტემბერი — Sputnik. დაკავებულია ყალბი ფულის (39 ათასი ლარის ოდენობის) დამზადებასა და რეალიზებაში ბრალდებული და ასევე მისი თანაშემწე, აღნიშნულია საქართველოს სახელმწიფო უსაფრთხოების სამსახურის „ფეისბუქის“ გვერდზე გამოქვეყნებულ განცხადებაში.
ბრალდებული მაშინ „გაება“, როდესაც სექტემბრის თვეში, უკვე მესამედ, ყალბი, 100 და 50-ლარიანი კუპიურების მორიგი „პარტიის“ გასაღებას აპირებდა.
ბრალდებულებს 7-დან 10 წლამდე პატიმრობა ემუქრებათ.
ეს 2016 წელს ყალბი ფულის საქმეზე დაკავების პირველი შემთხვევა არ არის. გასულ თვეებში რამდენიმე ადამიანი უკვე დააკავეს ყალბი ფულის დამზადებისა და გასაღებისთვის.
