თბილისი, 21 სექტემბერი — Sputnik. იაპონიის პრემიერ-მინისტრი სინძო აბე მოუწოდებს გაეროს გენერალურ მდივან პან გი მუნს, სასწრაფო წესით განიხილოს ახალი სანქციების დაწესების საკითხი ჩრდილოეთ კორეის მიმართ, რომელმაც ცოტა ხნის წინ კიდევ ერთხელ ჩაატარა ბირთვული გამოცდა, იუწყება საინფორმაციო სააგენტო "რია ნოვოსტი" სააგენტო „კიოდოზე“ დაყრდნობით.
სინძო აბემ აღნიშნული ბირთვული გამოცდა თავად გაეროს არსებობის წინააღმდეგ გამოწვევად შეაფასა.
ამას გარდა, იაპონიის პრემიერ-მინისტრმა და გაეროს გენერალურმა მდივანმა გლობალური დათბობის პარიზის დეკლარაციაც განიხილეს და სინძო აბემ პირობა დადო, რომ ყველაფერს გააკეთებს, რათა იაპონია ამ დოკუმენტს შეუერთდეს.
შეხვედრა ნიუ-იორკში მიმდინარე გაეროს გენერალური ასამბლეის სესიის ფარგლებში გაიმართა.
