თბილისი, 17 სექტემბერი – Sputnik. მსოფლიოში ეკონომიკური თავისუფლების ინდექსით, საქართველომ, 159 ქვეყანას შორის მეხუთე ადგილი დაიკავა, ნათქვამია ფრეიზერის (Fraser Institute) კანადის ინსტიტუტის მიერ გამოქვეყნებულ ანგარიშში.
„ამ ინდექსით საქართველო მეხუთე ადგილზეა ისეთი ქვეყნების შემდეგ, როგორიცაა ჰონგ-კონგი, სინგაპური, ახალი ზელანდია და შვეიცარია… ჩვენ დიდი პროგრესი გვაქვს, რომელიც დაფუძნებულია ისეთი სფეროების განვითარებაზე, როგორიცაა ფინანსებზე ხელმისაწვდომობა, საკანონმდებლო სისტემა და საკუთრების უფლების დაცვა“, — განაცხაად პრემიერ-მინისტრმა გიორგი კვირიკაშვილმა.
მოცემული მაჩვენებლები ხელს შეუწყობს საქართველოში ინვესტიციების მოზიდვას, აღნიშნა მან.
შედარებისთვის პრემიერმა წინა წლების ანგარიშების შედეგები მოიყვანა: 2015 წელს ეკონომიკური თავისუფლების ინდექსის რეიტინგში საქართველო 23-ე ადგილს იკავებდა, 2014 წელში — მე-16, 2013 წელში 21-ე ადგილზე იყო, ხოლო 2012 წელს 53-ე ადგილს იკავებდა.
რეიტინგში პირველ, მოწინავე ადგილებზე ჰონკ-კონგი, სინგაპური, ახალი ზელანდია და შვეიცარიაა.
რაც შეეხება საქართველოს მეზობელ ქვეყნებს, სომხეთი 18-ე ადგილზეა, თურქეთი 90-ე, რუსეთი — 102, ხოლო აზერბაიჯანი 107-ე ადგილზეა.
