თბილისი, 16 სექტემბერი — Sputnik. ბათუმში 2013 წელს ღვიძლის ტრანსპლანტაციის რვა ოპერაცია ჩატარდა და ყველა პაციენტი კარგად გრძნობს თავს. ღვიძლის გადანერგვის ოპერაციები საქართველოში კვლავაც გაგრძელდება, განუცხადეს საინფორმაციო სააგენტო Новости-Грузия-ს აჭარის ჯანმრთელობისა და სოციალური დაცვის სამინისტროში.
დღეისათვის აჭარის მცხოვრებლებს, რომელთაც ღვიძლის ტრანსპლანტაცია ესაჭიროებათ, მთავრობისგან 10 ათასი ლარის ოდენობით დაფინანსების მიღება შეუძლიათ.
გამომდინარე იქიდან, რომ ოპერაცია საკმაოდ ძვირადღირებულია, შესაძლოა 2017 წელს სახელმწიფო პროგრამა „მოსახლეობის ინდივიდუალური სამედიცინო დახმარების“ ფარგლებში ეს თანხა 50 ათასამდე გაიზარდოს.
წელს ღვიძლს კიდევ ხუთ პაციენტს გადაუნერგავენ.
