თბილისი, 14 სექტემბერი — Sputnik. ახალი სასწავლო წლიდან საქართველოს 400 სკოლაში არამარტო ტრადიციული, არამედ ელექტრონული ჟურნალები იქნება გამოყენებული, რომელშიც პედაგოგები შეიყვანენ გაკვეთილებზე დასწრების, მოსწავლეების შეფასებისა და გამოცდების შესახებ მონაცემებს, ნათქვამია საქართველოს საგანმანათლებლო ვებგვერდზე edu.aris.ge.
ელექტრონული ჟურნალების საშუალებით სკოლის ადმინისტრაციის წარმომადგენლები, პედაგოგები და თავად მშობლები ნებისმიერ დროს შეძლებენ მოსწავლის აკადემიური მოსწრებისა და საშინაო დავალებების შესახებ დეტალური ინფორმაციის მიღებას.
იმ სკოლების პედაგოგებმა, სადაც ელექტრონული ჟურნალები დაინერგება, შესაბამის ტრენინგები უკვე გაიარეს. საქართველოს განათლებისა და მეცნიერების სამინისტრო მასწავლებლების ელექტრონულ ჟურნალში მუშაობის მონიტორინგს განახორციელებს, რითაც გამოვლინდება აღნიშნული სიახლის დადებითი და უარყოფითი ნიუანსები, რაიმე პრობლემის წარმოქმნის შემთხვევაში კი უწყება დროულად აღმოუჩენს პედაგოგებს დახმარებას.
პირველ ეტაპზე ელექტრონულ ჟურნალებს იმ სკოლებში დანერგავენ, რომლებმაც სურვილი გამოთქვეს საპილოტო პროგრამაში მონაწილეობის შესახებ,
ელექტრონული ჟურნალების უსაფრთხოება მაქსიმალურად იქნება დაცული.
