თბილისი, 10 სექტემბერი — Sputnik. პოლიციური შემოწმებების შედეგად, რომელიც საქართველოში დანაშაულის აღკვეთისა და საზოგადოებრივი წესრიგის დაცვის მიზნით ტარდება, ასობით სისხლის სამართლისა და ადმინისტრაციული დარღვევა გამოვლინდა.
საპოლიციო შემოწმებები, რომელსაც შსს სპეციალურ პოლიციურ კონტროლს უწოდებს, 6-8 სექტემბერს გაიმართ. საპოლიციო კონტროლის დროს სამართლდამცველების მიერ გამოვლინდა სისხლის სამართლის 170 დანაშაული და 135 ადმინისტრაციული კანონდარღვევა, ნათქვამია შსს-ს ვებგვერდზე გავრცელებულ განცხადებაში.
პოლიციამ ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვისა და ტარების 59 ფაქტი, ნარკოტიკების უკანონო შეძენა-შენახვის 50 ფაქტი, ქურდობის 20 ფაქტი და ოჯახური ძალადობის, ცემის, ძალადობისა და პოლიციაზე წინააღმდეგობის გაწევის ცალკეული შემთხვევები.
საპოლიციო კონტროლის დროს გამოვლინდა ადმინისტრაციული სამართალდარღვევის სხვადასხვა ფაქტი. კერძოდ, ნარკოტიკების უკანონო შეძენა-შენახვის 50 ფაქტი, პოლიციაზე დაუმორჩილებლობისა და წვრილმანი ხულიგნობის 31 ფაქტი, ცივი იარაღის ტარების 29 ფაქტი.
საპოლიციო კონტროლის დროს უკანონო ბრუნვიდან ამოღებული იქნა შემდეგი სახის ცეცხლსასროლი იარაღი და საბრძოლო მასალა: 4 ავტომატი, 12 პისტოლეტი, 2 რევოლვერი, 2 შაშხანა, 12 გადაჭრილი სანადირო თოფი, 8 სანადირო თოფი, 1 შაშხანად გადაკეთებული პნევმატური თოფი და სხვადასხვა კალიბრის საბრძოლო ვაზნები.
სამართლდამცველებმა ასევე ამოიღეს სხვადასხვა სახის ნარკოტიკული საშუალება.
საპოლიციო კონტროლის დროს, სამართალდამცველებმა ჩადენილი სისხლის სამართლის დანაშაულისთვის — 31, ხოლო ადმინისტრაციული სამართლდარღვევისთვის – 30 პირი დააკავა.
