თბილისი, 9 სექტემბერი — Sputnik. საქართველოს მთავრობის თავმჯდომარემ გიორგი კვირიკაშვილმა თანამდებობის დატოვების შესახებ ვიცე-პრემიერისა და ენერგეტიკის მინისტრ კახა კალაძის განცხადება დააკმაყოფილა, იუწყება სააგენტო „ნოვოსტი-გრუზია“ მთავრობის ადმინისტრაციის პრეს-სამსახურზე დაყრდნობით.
კალაძე საპარლამენტო არჩევნებში იღებს მონაწილეობას, ამიტომაც, კანონის თანახმად, მან ტანამდებობა დატოვა. საქართველოში საპარლამენტო არჩევნები 8 ოქრტომბერს იმართება.
„დღევანდელი დღიდან თქვენი მინისტრი აღარ ვარ. მინდა წარმატებები გისურვოთ ყველას. ჩემთვის ეს ყველაფერი ცოტათი ემოციურია“, — განაცხადა კალაძემ თანამშრომლებისადმი მიმართვისას.
ექს-მინისტრმა თანამშრომლებს მადლობა გადაუხადა პროდუქტიული მუშაობისათვის და დასძინა, რომ იგი ამაყობს მათტან ერთად მუშაობის შესაძლებლობა რომ მიეცა.
ხუთშაბათს მმართველმა პარტია „ქართული ოცნება-დემოკრატიულმა საქართველომ“ საარჩევნო სიის პირველი ათეულის ვინაობა გაასაჯაროვა, რომელშიც კალაძე, რომელიც ამასთანავე პარტიის საარჩევნო შტაბის თავმჯდომარეა, მეორე ნომრითაა წარდგენილი. პარტიულ სიას სათავეში ქვეყნის პრემიერ-მინისტრი გიორგი კვირიკაშვილი უდგას.
