თბილისი, 7 სექტემბერი — Sputnik. სამარის საოლქო სასამართლომ უარი თქვა რეგისტრაციაში გაეტარებინა რუსეთის კომუნისტური პარტიის კანდიდატი კორნევი კუბელი პოლიტიკოსის, ჩე გევარას პორტრეტის გამოყენების გამო, იუწყება საინფორმაციო სააგენტო РИА Новости სამარის სასამართლოზე დაყრდნობით.
სასამართლოს განცხადებაში ნათქვამია, რომ სასამართლოს სარჩელით „სპრავედლივაია რასიას“ ერთ-ერთმა კანდიდატმა მიმართა, რომელიც კორნევს რუსეთის ფედერაციის კანონმდებლობის დარღვევაში ადანაშაულებდა და მისი რეგისტრაციის გაუქმებას მოითხოვდა.
გაირკვა, რომ კორნევს საარჩევნო ფლაერებზე, საბჭოთა კავშირის გერბისა და სოციალური ქსელების ლოგოტიპების გარდა, ერნესტო ჩე გევარას პორტრეტიც დაეტანა; პორტრეტისა, რომლის ავტორიც 2001 წლის 25 მაისს გარდაიცვალა, ხოლო საავტორო უფლება ქალიშვილს გადასცა.
შესაბამისად, ჩე გევარას ამ საქვეყნოდ განთქმული პორტრეტის სააგიტაციოდ ან სარეკლამოდ გამოყენება ნებადართულია მხოლოდ კუბის მთავრობის თანხმობით და დაცულია სავაჭრო ნიშნით. კორნევს კი კუბიდან არანაირი თანხმობა არ მიუღია.