თბილისი, 21 დეკემბერი – Sputnik. სახელმწიფო დუმის დეპუტატები რუსეთის კომუნისტური პარტიიდან – ვალერი რაშკინი და სერგეი ობუხოვი, ქვეყნის მთავრობას რუსეთის პირველი პრეზიდენტის ბორის ელცინის ცენტრის გახსნის კვალდაკვალ, იოსებ სტალინის ცენტრის გახსნას სთავაზობენ, იუწყება რუსული საინფორმაციო სააგენტო „რია ნოვოსტი“.
ბორის ელცინის ცენტრი 25 ნოემბერს ეკატერინბურგში გაიხსნა. კომუნისტები მიიჩნევენ, რომ რუსეთში სტალინის ცენტრის გახსნა არანაკლებ დაფინანსბეას იმსახურებს. მათი აზრით, ამას მილიონობით მოქალაქე მოიწონებს.
„ეროვნული შერიგების იდეის თანამიმდევრული რეალიზაციის მიზნით, გთხოვთ, განიხილოთ ი. სტალინის ცენტრის გახსნის საკითხი, როგორც ჩვენი ქვეყნის ისტორიაში რთული, წინააღმდეგობებით აღსავსე, მაგრამ მაინც გმირული ეპოქის ანარეკლისა, რომლის კულმინაციაც სსრკ–ის შეიარაღებული ძალების მთავარსარდლის, გენერალისიმუს იოსებ სტალინის ხელმძღვანელობით საბჭოთა რუსეთის გამარჯვება გახდა დიდ სამამულო ომში“, – აღნიშნულია დეპუტატების განცხადებაში.
