თბილისი, 2 სექტემბერი — Sputnik. საქართველოში 45-ე საყოველთაო ნათლობისათვის რეგისტრაცია იწყება, რომელთა ნათლიაც საქართველოს კათოლიკოს-პატრიარქი ილია მეორე იქნება.
საქართველოს საპატრიარქოში მშობლებს რეგისტრაციის გავლა შეუძლიათ 7-11 სექტემბრის პერიოდში 12:00-დან 16:00 საათამდე, ნათქვამია „პატრიარქის ნათლულების“ „ფეისბუქის“ გვერდზე.
მშობლებმა თან უნდა იქონიონ პირადობის დამადასტურებელი მოწმობის, ჯვრისწერისა და ქორწინების რეგისტრაციის მოწმობის, ბავშვების დაბადებისა და ნათლობის მოწმობების ასლები, მოსანათლი ბავშვის ორი ფოტო (ფოტო с დისკით) და ოჯახის ერთი ფოტო (с დისკით).
საქართველოში ბავშვების მასობრივი ნათლობა პირველად 2008 წლის 19 იანვარს გაიმართა. ამ დღიდან მოყოლებული კათოლიკოს-პატრიარქი იმ ოჯახების მესამე და მომდევნო ბავშვებს ნათლავს, რომელთა მშობლებმაც ჯვარი ეკლესიაში დაიწერეს.
ამ ინიციატივის მიზანი ქვეყანაში დემოგრაფიული მდგომარეობის გაუმჯობესებაა. ამ დროისთვის კათოლიკოს-პატრიარქის ილია მეორის ნათლული 29 ათას 53 ბავშვია.
