თბილისი, 2 სექტემბერი— Sputnik. მსხვილი ლატვიური კომპანია „FERRUS"-ი საქართველოს ტურიზმის სექტორში ინვესტირებით დაინტერესდა — ამის შესახებ საქართველოს პრემიერ-მინისტრ გიორგი კვირიკაშვილის და კომპანიის წარმომადგენელთა შეხვედრაზე აღინიშნა.
ლატვიური კომპანია, რომლის საქმიანობის ერთ-ერთი მთავარი მიმართულება ტურისტული ინფრასტრუქტურის მშენებლობაა, საქართველოში ბიზნესის წარმოებას გეგმავს. „FERRUS"-ის წარმომადგენლებმა საქართველოს პრემიერს მიაწოდეს დეტალური ინფორმაცია კომპანიის სამომავლო გეგმების შესახებ.
მხარეებმა საქართველოს ტურისტულ პოტენციალი განიხილეს. შეხვედრაზე ხაზი გაესვა ქვეყანაში არსებულ ღია, გამჭვირვალე, ხელსაყრელ ბიზნესგარემოს.
საქართველოში ტურიზმის სფერო დინამიურად ვითარდება. 2015 წელს ქვეყანას 5,6 მილიონამდე უცხოელი ვიზიტორი ეწვია. 2015 წელს ტურიზმიდან მიღებულმა შემოსავალმა 1,9 მილიონზე მეტი დოლარი შეადგინა, რაც 148 მილიონით მეტია წინა წელთან შედარებით.
