მამაკაცის მკვლელობისათვის ახალგაზრდა ქალს 10 წლიანი პატიმრობა მიუსაჯეს

© photo: Sputnik / Andrei Starostinკანონისა და მართლმსაჯულების სიმბოლოები
კანონისა და მართლმსაჯულების სიმბოლოები - Sputnik საქართველო
გამოწერა
Yandex newsTelegram
19 წლის გოგონამ ახალგაზრდა მამაკაცი კინკლაობის გამო მოკლა.

თბილისი, 25 აგვისტო — Sputnik. გორის რაიონულმა სასამართლომ 1996 წელს დაბადებული თინა გინტური დამნაშავედ სცნო რომან ბედიანაშვილის განზრახ მკვლელობაში და მას 10 წლით თავისუფლების აღკვეთა მიუსაჯა, ამის შესახებ საქართველოს პროკურატურა იტყობინება. 

სასამართლო პროცესზე გამოკვლეული მტკიცებულებებით დადასტურდა, რომ 2016 წლის 8 მარტს, ღამის საათებში, თინა გინტური იმყოფებოდა ქ. გორში, მოსკოვის ქუჩაზე მდებარე რომან ბედიანაშვილს საცხოვრებელ ბინაში, სადაც მასსა და რომან ბედიანაშვილს   შელაპარაკება მოუვიდათ, რის გამოც თინა გინტურმა შურისძიების მოტივით რომან ბედიანაშვილის მოკვლა გადაწყვიტა. მან რომან ბედიანაშვილს სასმელში  საძილე აბები ჩაუყარა,  დააძინა ის, სახლში  ბენზინი მოასხა და ცეცხლი წაუკიდა, ხოლო შემდეგ  ქურდობის გზით დაეუფლა რომან ბედიანაშვილის კუთვნილ მობილურ ტელეფონს და შემთხვევის ადგილიდან მიიმალა.

თბილისში ცოლის მკვლელობისთვის მამაკაცი ციხეში 10 წელს გაატარებს

რომან ბედიანაშვილი მხუთავი აირით მწვავე მოწამვლის შედეგად გარდაიცვალა. 

სამართალდამცველებმა თინა გინტური 2016 წლის 10 მარტს ქ. გორში დააკავეს.  შიდა ქართლისა და მცხეთა-მთიანეთის საოლქო პროკურატურამ მას ბრალდება საქართველოს სისხლის სამართლის კოდექსის 108-ე მუხლით (განზრახ მკვლელობა) და 177-ე მუხლის პირველი ნაწილით (ქურდობა) წარუდგინა.

გინტურმა დანაშაული აღიარა. 

 

ყველა ახალი ამბავი
0