თბილისი, 24 აგვისტო — Sputnik. საქართველოს მთავრობა აფხაზეთიდან და სამხრეთ ოსეთიდან იძულებით გადაადგილებულ კიდევ 177 ოჯახს აჩუქებს ბინებს, განაცხადა საქართველოს პრემიერ-მინისტრმა გიორგი კვირიკაშვილმა მთავრობის სხდომაზე.
2015 წელს ახალი ბინები 1200-მა ოჯახმა მიიღო, ხოლო 6400-მა ოჯახმა მანამდე დაკავებული საცხოვრებელი ფართი დაიკანონა.
„იძულებით გადაადგილებულ პირთა საცხოვრებლით უზრუნველყოფა ჩვენი მოვალეობაა“, — აღნიშნა მთავრობის ხელმძღვანელმა.
დევნილები სახლებს თბილისში, ქუთაისში, მცხეთაში, ბათუმში, ფოთში, ზუგდიდში, ზესტაფონში, ხონსა და ხაშურში მიიღებენ.
2012 წლის შემდეგ საკუთრებაში საცხოვრებელი ფართი 12 500-მდე დევნილ ოჯახს გადაეცა და პროცესი, დევნილთა და ეკონომიკის სამინისტროების ხელმძღვანელობით, კიდევ გაგრძელდება.
იმისთვის, რათა საცხოვრებელი ფართი დაიკანონონ ან ბინები მიიღონ, იძულებით გადაადგილებულმა პირებმა დევნილთა და განსახლების სამინისტროს უნდა მიმართონ.
