თბილისი, 17 აგვისტო — Sputnik. აბიტურიენტები 2016 წელს უპირატესობას კვლავ სამ ყველაზე პოპულარულ ფაკულტეტს ანიჭებენ, ესენია ბიზნეს-ადმინისტრირება, სამართალი და ეკონომიკა.
ყველაზე პოპულარული ფაკულტეტების ათეულში ასევე მოხვდა სამშენებლო მოდულები, მეცნიერებისა და ხელოვნების ფაკულტეტი, ქართული ენისა და ლიტერატურის ფილოლოგიის ფაკულტეტი, ისტორია, ენერგეტიკა, ელექტროინჟინერია, ტურიზმი და მენეჯმენტი.
აბიტურიენტები იშვიათად ირჩევენ ისეთ სპეციალობებს, როგორებიცაა ჯაზის ხელოვნება, სიმებიანი საკრავები (არფა, კონტრაბასი, გიტარა, ასევე ჩასაბერი საკრავი — ფლეიტა), მუსიკის თეორია, ფრანგული ენა და ლიტერატურა, აუდიოვიზუალური რეჟისურა და სხვა.
ერთიანი ეროვნული გამოცდები საქართველოში 1-22 ივლისს ჩატარდა. გამოცდებზე 38,5 ათასი აბიტურიენტი გავიდა.
