თბილისი, 17 აგვისტო — Sputnik. ქართველმა მოჭიდავემ ბერძნულ-რომაულ ჭიდაობაში შმაგი ბოლქვაძემ 66 კგ-მდე წონით კატეგორიაში რიოს ოლიმპიადაზე ბრინჯაოს მედალი მოიპოვა.
მესამე ადგილისთვის ბრძოლაში ბოლქვაძემ იაპონელ ტომოხირო ინოეს მოუგო ანგარიშით 1:0.
კიდევ ერთი ბრინჯაოს პრიზიორი ამ წონით კატეგორიაში აზერბაიჯანის წარმომადგენელი რასულ ჩუნაევი გახდა.
რიოს ოლიმპიური ოქრო სერბმა დავორ შტეფანეკმა მოიპოვა, რომელმაც ფინალში სომეხ მიგრან არუთუნიანს მოუგო.
მანამდე რიოს ოლიმპიადის ვერცხლის და ბრინჯაოს მედლები საქართველოს ნაკრებისთვის მოიგეს ძიუდოისტებმა ვარლამ ლიპარტელიანმა (-90კგ) და ლაშა შავდათუაშვილმა (-73კგ).
