თბილისი, 16 აგვისტო — Sputnik. ამუშავდა პატიმრებისა და ბრალდებულების ნამუშევრების ონლაინ-მაღაზია. სახსრები უშუალოდ პატიმრების ანგარიშზე ირიცხება.
ონლაინ-მაღაზიაში online.moc.gov.ge წარმოდგენილია ხატები, გემებისა და ეკლესიები მაკეტები, ხის ნაკეთობები, სამკაულები, ზარდახშები, ცვილის ფიგურები, ნახატები, ნაქარგები და თექის ნაკეთობები. ასევე შესაძლებელია ავეჯისა და ბაღის სკამების შეკვეთა.
ონლაინ-მაღაზია სასჯელაღსრულებისა და პრობაციის სამინისტრომ უწყების ხელმძღვანელის კახა კახიაშვილის ინიციატივით გახსნა.
ონლაინ-მაღაზიის საშუალებით შეძენილი ნივთების მიღება შესაძლებელია სამინისტროს შენობაში ან გლდანის საპატიმროში. ამჟამად მიწოდების სამსახური არ მოქმედებს.
