თბილისი, 7 აგვისტო — Sputnik. ახალგაზრდა ქართველი კინორეჟისორის იზა თითბერიძის სადიპლომო მოკლემეტრაჟიანი მხატვრული ფილმი "მხოლოდ ერთი კოცნა" ჟირონას კინოფესტივალზე მოკლემეტრაჟიანი ფილმების ოფიციალურ საკონკურსო პროგრამაშია საქართველოს სახელითაა წარდგენილი. ფილმის ქრონომეტრაჟი 9 წუთია და იგი კომედიური ჟანრისაა.
იზა თითბერიძემ თბილისის სახელმწიფო უნივერსიტეტი კინო-ტელე ხელოვნების მომართულებით 2015 წელს დაამთავრა, 2016 წლიდან კი სწავლას მაგისტრატურის საფეხურზე ჯორჯიის შტატის სავანას ხელოვნებისა და დიზაინის კოლეჯში, ფულბრაიტის პროგრამით განაგრძობს.
"მხოლოდ ერთი კოცნა" უკვე მესამე საერთაშორისო კინოფესტივალში მონაწილეობს და ბანგლადეშის საერთაშორისო სტუდენტურ ფესტივალზე კი ჟიურის საპატიო პრიზიც დაიმსახურა.
ჟირონას კინოფესტივალს 28-წლიანი ისტორია აქვს და მასში მთელი მსოფლიოს კინოხელოვანები იღებენ მონაწილეობას. წლევანდელი ფესტივალი კატალონიის ქალაქ ჟირონაში 28 სექტემბერს დაიწყება და 1 ოქტომბრამდე გაგრძელდება.
რუსუდან პირველი
