თბილისი, 5 აგვისტო — Sputnik. მეშვიდე მოწვევის სახელმწიფო სათათბიროს არჩევნებისას საარჩევნო უბნებზე ვიდეოდაკვირვება რუსეთის 15 რეგიონში იქნება შესაძლებელი, იუწყება საინფორმაციო სააგენტო РИА Новости რუსეთის ცესკოს თავმჯდომარე ელა პამფილოვაზე დაყრდნობით.
ცესკოს თავმჯდომარის განმარტებით, აქედან ექვს რეგიონში ტრანსლაცია ინტერნეტითაც იქნება ხელმისაწვდომი, ხოლო დანარჩენებში ვიდეოჩაწერა ტრანსლაციის გარეშე განხორციელდება.
„რუსეთის ფედერაციის ექვს სუბიექტში (პერმის მხარე, მოსკოვის, როსტოვის, სამარის ოლქები, ქალაქები: მოსკოვი, და სანქტ-პეტერბურგი) იგეგმება ვიდეოდაკვირვებისა და ინტერნეტით ტრანსლაციის საშუალებების გამოყენება“, — ნათქვამია პამფილოვას წერილში.
ამას გარდა, ცხრა რეგიონში ვიდეოდაკვირვება ინტერნეტით ტრანსლირების გარეშე განხორციელდება, თუმცა ჩანაწერები შეინახება. ეს რეგიონებია: ინგუშეთისა და კარელიის რესპუბლიკები, ვლადიმირის, ვოლგოგრადის, ლენინგრადის, კოსტრომის, იაროსლავსკის ოლქები და ხანტი-მანსიისკის „ოკრუგი“.
