თბილისი, 3 აგვისტო — Sputnik. საქართველოში თამბაქოს ნაწარმსა და სპირტიან სასმელებზე ფასებმა 1,3%-ით მოიმატა, აღნიშნულია სტატისტიკის ეროვნული სამსახურის „საქსტატის“ ვებ-გვერდზე განთავსებულ განცხადებაში.
29 ივლისი 2016, 17:20
ივლისში, ივნისის თვესთან შედარებით, ფასები ასევე გაიზარდა ტრანსპორტის (1,3%), განათლების (0,4%), ჯანდაცვის (0,4%), დასვენების, გართობისა და კულტურის (0,2%) სფეროებში, ხოლო სხვა საქონელსა და მომსახურებაზე — 0,3%-ით.
ფასები შემცირდა სურსათზე და უალკოჰოლო სასმელებზე (0,4%), ტანსაცმელსა და ფეხსაცმელზე (0,7%), ავეჯზე, საოჯახო ნივთებზე, სახლის მოვლის საშუალებებზე (0,5%) და სასტუმროების, კაფეებისა და რესტორნების მომსახურებაზე (0,1%).
2016 წლის ივლისში ინფლაციამ საქართველოში 0,2% შეადგინა.
ცხოვრება სიგარეტთან ერთად
© photo: Sputnik / Stanislav Kozliakowsky
