თბილისი, 31 ივლისი — Sputnik. შეიარაღებულმა დაჯგუფებამ, რომელმაც მძევლად სასწრაფო დახმარების ბრიგადა აიყვანა, ბოლო ორი მედპერსონალიც მძევლობიდან გაათავისუფლა.
„მძევლად მყოფმა ორმა მედიკოსმა გუშინ, საღამოს, საპატრულო-საგუშაგო სამსახურის შენობა დატოვა“, — განაცხადა სააგენტო „Sputnik სომხეთთან“ საუბრისას სომხეთის ჯანდაცვის სამინისტროს პრეს-მდივანმა ანაით აითაიანმა.
მან სხვა კომენტარის გაკეთებისგან თავი შეიკავა და მხოლოდ აღნიშნა, რომ გათავისუფლებული მძევლების ჯანმრთელობის მდგომარეობა დადებითია.
27 ივლისს შეიარაღებულმა დაჯგუფებამ სასწრაფო დახმარების ბრიგადის ოთხი წევრი მძევლად აიყვანა, რომლებიც პოლიციის ტერიტორიაზე დაჭრილთა დასახმარებლად მივიდნენ. მათგან ერთმა შენობა იმავე საღამოს დატოვა, მეორე კი 30 ივლისს გამოუშვეს.
ამ დრომდე მძევლად სასწრაფო დახმარების ორი თანამშრომელი — ექიმი ნორაირ ტევანიანი და მედდა მალინა მარკარიანი რჩებოდნენ. ისინი უკვე გათავისუფლებული არიან.
