პაპუაშვილი პროკურატურაში არ მივიდა, მაგრამ პრემიერს ხვდება

© FB/Георгий Квирикашвилиგიორგი კვირიკაშვილი
გიორგი კვირიკაშვილი - Sputnik საქართველო
გამოწერა
მანამდე მთავრობის მეთაურამა ჟურნალისტებს განუცხადა, რომ აღმასრულებელი ხელისუფლება პროკურატურას ნამდვილად არ მართავს და უცნაურად ეჩვენება, რომ პაპუაშვილი პროკურატურაში არ მიდის.

თბილისი, 27 ივლისი — Sputnik. პრემიერ-მინისტრი გიორგი კვირიკაშვილი საკონსტიტუციო სასამართლოს თავმჯდომარეს გიორგი პაპუაშვილს ამ წუთებში ხვდება. ამის შესახებ საზოგადოებრივი მაუწყებლის პირველი არხი იტყობინება. 

საკონსტიტუციო სასამართლოს თავმჯდომარემ გიორგი პაპუაშვილმა ორი დღის წინ სკანდალური განცხადება გააკეთა მოსამართლეებზე ზეწოლის შესახებ, რომელსაც ფართო გამოხმაურება მოჰყვა საქართველოს პოლიტიკურ სპექტრში. განცხადების ავტორი დღეს მოწმის სახით პროკურატურაში იყო დაბარებული, თუმცა პაპუაშვილი შოთაძის უწყებაში არ მივიდა და მანამდე საქართველოს პრემიერთან შეხვედრა მოითხოვა. 

საკონსტიტუციო სასამართლო - Sputnik საქართველო
სკანდალი საქართველოს საკონსტიტუციო სასამართლოს ირგვლივ

"მიზანმიმართულად ქმნიან შთაბეჭდილებას, რომ პროკურატურას მართავს აღმასრულებელი ხელისუფლება, რაც ასე ნამდვილად არ არის და არც უნდა იყოს, — ასე უპასუხა საქართველოს პრემიერ-მინისტრმა გიორგი კვირიკაშვილმა ჟურნალისტების კითხვას, საკონსტიტუციო სასამართლოს თავმჯდომარესთან შეხვედრის შესახებ.

პრემიერმა აღნიშნა, რომ პროკურატურას წარსულში აღმასრულებელი ხელისუფლება, მართავდა, თუმცა დღეს ასე აღარ არის.

მთავრობის მეთაურის შეფასებით, უცნაურია, რომ გიორგი პაპუაშვილი პროკურატურაში არ მიდის, თუმცა, მიუხედავად ამისა, მას, მომავალი დეპუტატების ჯგუფის წარდგენამდე, აუცილებლად შეხვდება.

„თუმცა, მინდა, ისიც შევახსენო მას, რომ პროკურატურა არ არის მთლიანად აღმასრულებელ ხელისუფლებასთან დაქვემდებარებული ინსტიტუცია, ის დამოუკიდებელია და ამ დამოუკიდებლობის საფუძვლები ჩვენ შევქმენით ბოლო წლების განმავლობაში, როცა მივიღეთ მნიშვნელოვანი რეფორმატორული ცვლილებები — იგი არის ანგარიშვალდებული პარლამენტთან. მინდა, ეს შევახსენო, რადგან, რატომღაც მიზანმიმართულად ქმნიან შთაბეჭდილებას, რომ აღმასრულებელი ხელისუფლება უნდა მართავდეს მთლიანად ამ პროცესებს. ეს ასე არ არის. რა თქმა უნდა, ჩვენ გაგვაჩნია პოლიტიკური პასუხისმგებლობა ქვეყანაში მიმდინარე პროცესებზე და აბსოლუტურად ვგრძნობთ ამას. აუცილებლად შევხვდები და მოვისმენ, რა პრეტენზიები აქვს", — განაცხადა პრემიერ-მინისტრმა გიორგი პაპუაშვილთან შეხვედრამდე. 

ყველა ახალი ამბავი
0