თბილისი, 24 ივლისი — Sputnik. საქართველოს მთავრობა გულითად სამძიმარს უცხადებს ავღანეთის მთავრობას და დაღუპულთა ოჯახებს ქაბულში მომხდარი ტრაგედიის გმო.
"უმკაცრესად ვგმობთ 2016 წლის 23 ივლისს, ავღანეთის დედაქალაქ ქაბულში, მშვიდობიანი დემონსტრანტების წინააღმდეგ განხორციელებულ ტერორისტულ თავდასხმას, რომლის შედეგად, ოთხმოცზე მეტი ადამიანი დაიღუპა და ასობით — დაშავდა", - ნათქვამია პრემიერ-მინისტრის გიორგი კვირიკაშვილის განცხადებაში, რომელსაც მთავრობის პრესსამსახური ავრცელებს..
მივიჩნევთ, რომ ეს თავდასხმა და სხვა მსგავსი ქმედებები, რომლებიც მიმართულია თავისუფლების, მშვიდობის და უდანაშაულო ადამიანების წინააღმდეგ, წარმოადგენს უდიდეს დანაშაულს კაცობრიობის წინაშე. ვიმედოვნებთ, საერთაშორისო საზოგადოების ერთიანი ძალისხმევით, შესაძლებელი იქნება ძალადობრივი ექსტრემიზმის აღმოფხვრა და მსოფლიოში უსაფრთხოების განმტკიცება, — ნათქვამია განცხადებაში.
